Dende o porto de Burela faena o barco Raúl Primero, capitaneado por Raúl Canoura desde fai tres décadas, con unha larga tradición Pesqueira familiar. O seu fillo, o director, atopa unhas cintas de vídeo gravadas por Raúl durante varias mareas en diferentes etapas. Estas cintas mostran unha vida, un mundo que foi, cada vez máis esquecido, e que Adrián intenta ver como foi, navegando co seu pai no barco familiar.
FOMOS FICANDO SÓS
UN PROXECTO DE LONGAMETRAXE DE ADRIÁN CANOURA
Sinopse
Biografía do director
Adrián Canoura nace no 1991 en Burela. A súa formación audiovisual comeza na Fundación TIC (EIS Lugo), en Realización e Produción Audiovisual. Continua cunha especialización en Cámara e Realización na Escola de Ficción de Voz Audiovisual en A Coruña. En 2016 trasládase a Madrid para cursar o Master LAV: Laboratorio de Práctica e Creación Audiovisual Contemporánea.
Destacado como un novo talento pola Academia Galega do Audiovisual en 2018, pódese definir como cineasta e videoartista onde as súas creacións van desde o videoclip, filmes, AV live, ata proxectos ligados á música como Guerrera, Nistra ou Baiuca.
O seu traballo navega entre diferentes formas, desde proxectos híbridos entre documental e ficción ata aproximacións máis experimentais á vídeocreación, traballo co arquivo ou creacións máis contemporáneas. Durante estes últimos anos desenvolve diferentes proxectos entre cinema e música, onde destacan filmes como Da morte nace a vida (2020), REXISTROS (2019), Caerán Lóstregos do Ceo (2018), Salitre nas veas (2017), O Porco e o seu espírito (2016) o Nistra Batuko Exploration (2015), e actualmente desenvolve un novo proxecto titulado Fomos Ficando Sós que está produción.