Costa da Morte COSTA DA MORTE Un filme de Lois PATIÑO A Costa da Morte é unha rexión de Galicia que foi considerada o fin do mundo durante o Imperio Romano. O seu dramático nome provén dos numerosos naufraxios que sucederon ao longo da historia nesta área feita de rochas, brétemas e temporais.

Atravesamos esta terra observando as persoas que a habitan: pescadores, mariscadores, madeireiros... Somos testemuñas do traballo que realizan, co cal manteñen á vez unha relación íntima e unha batalla antagónica coa inmensidade do territorio. O vento, a pedra, o mar, o lume, son personaxes neste filme, e a través deles achegámonos ao misterio que supón a paisaxe, entendida como unha unidade xunto ao home, a historia e o mito.

Título: COSTA DA MORTE

Duración: 81 min.

Cor: Cor

Formato de gravación: Dixital

Lingua orixinal: Galego

País de produción: España

Produción: Zeitun Films

Ano de produción: 2013

Director: Lois Patiño

Director de fotografía: Lois Patiño

Asistente de dirección: Carla Andrade

Deseño sonoro: Miguel Calvo “Maiki” e Erik T. Jensen

Música: Ann Deveria

Montadores: Lois Patiño e Pablo Gil Rituerto

Produtores: Felipe Lage Coro · Martin Pawley

FESTIVAIS E PREMIOS

Locarno Film Festival (Suíza). Premio ao Mellor Director Emerxente

International Film Festival Rotterdam (Países Baixos)

FICUNAM Festival Internacional de Cine Universidad Nacional Autónoma de México. Puma de Plata á Mellor Película

Jeonju International Film Festival (Corea do Sur). Premio Mellor Película

Festival Cinematográfico Internacional del Uruguay. Mellor Película Xurado Internacional e Mellor Película Xurado FIPRESCI

Hamburg Film Festival (Alemaña)

Vancouver Film Festival (Canadá)

New York Film Festival (EUA)

Festival dei Popoli (Italia). Premio do Público e Mención Especial

Nouveau Cinema Montreal (Canadá)

Premio Especial Feroz

Premio da Crítica de Galicia

Premio Mestre Mateo ao Mellor Documental

BAFICI Buenos Aires Festival Internacional de Cine Independiente (Arxentina)

San Francisco Film Festival (EUA)

Indielisboa Festival Internacional de Cinema (Portugal)

Festival Internacional de Cine de Valdivia (Chile). Mención Especial do Xurado

Ann Arbour Film Festival (EUA)

La Roche-sur-Yon International Film Festival (Francia)

Ji.hlava International Documentary Film Festival (República Checa)

Vienna International Film Festival – Viennale (Austria)

REC Tarragona. Mención Especial do Xurado Mozo

Festival Internacional De Cine De Cali (Colombia)

Festival de Cine Europeo de Sevilla. Premio Mellor Película Non Ficción e Mención Especial do Xurado “Nuevas Olas”

Pravo Ljudski Film Festival (Bosnia e Hercegovina)

Isola Film Festival (Eslovenia)

Cineuropa Santiago de Compostela

International Documentary and Short Film Festival of Kerala (India)

FIDOCS Festival Internacional de Documentales de Santiago (Chile)

Notas do director

A Costa da Morte foi para min un lugar mítico antes ca real, que foi tomando forma devagar a través das palabras que me ían chegando sobre ela. O que máis me inquietaba deste lugar extremo era a súa vinculación coa idea de fin e de morte. O seu historial de naufraxios dáballe unha aura perigosa e enigmática.

No filme quixen transmitir o relato oral dos seus habitantes, onde se funden a historia e a lenda, coma un eco mítico que reverbera no espazo. As súas voces permítennos descubrir novos estratos da paisaxe, construír o imaxinario colectivo asociado ao territorio e situarnos nun espazo atemporal.

A través dunha dobre distancia perceptiva con respecto á figura humana (afastada na imaxe, próxima no son) buscaba poñer en relación a inmensidade do espazo natural coa experiencia íntima das persoas. E deste xeito, desde a contemplación profunda da imaxe, podérmonos diluír no todo, expandírmonos, desaparecermos na paisaxe da Costa da Morte.

Esta web utiliza cookies propias y de terceros para su correcto funcionamiento y para fines analíticos. Al hacer clic en el botón Aceptar, acepta el uso de estas tecnologías y el procesamiento de sus datos para estos propósitos. Más información
Privacidad